ആലപ്പുഴ: ജില്ലാ നിയമസേവന അതോറിറ്റിയുടെ ആഭിമുഖ്യത്തില്‍ അന്താരാഷ്ട്ര വനിത ദിനാചരണം നടത്തി.
കലക്ടറേറ്റിലെ ജീവനക്കാര്‍ക്ക് തൊഴിലിടത്തെ സ്ത്രീപീഡനം എന്ന വിഷയത്തിലും കുട്ടികള്‍ക്കെതിരേയുള്ള പീഡനം എന്ന വിഷയത്തിലും നിയമ ബോധവല്‍ക്കരണ സെമിനാര്‍ നടത്തി.
കലക്ടറേറ്റ് കോണ്‍ഫറന്‍സ് ഹാളില്‍ നടത്തിയ സെമിനാര്‍ ജില്ലാ നിയമസേവന അതോറിറ്റി സെക്രട്ടറി വി ഉദയകുമാര്‍ ഉദ്ഘാടനം ചെയതു.
നിയമസേവന അതോറിറ്റി അംഗം ഇ ശ്രീദേവി, ബാര്‍ അസോസിയേഷന്‍ എക്‌സിക്യൂട്ടീവ് കമ്മിറ്റി അംഗങ്ങളായ എസ് പ്രേമ, അംബികാ കൃഷ്ണന്‍ എന്നിവര്‍ പ്രസംഗിച്ചു. എ.കെ രാജശ്രീ, ശാന്തിരാജ് എന്നിവര്‍ ക്ലാസെടുത്തു.