തിരുവനന്തപുരം: കൊവിഡ് 19 ബാധിച്ചെന്ന വ്യാജപ്രചരണത്തെത്തുടര്‍ന്ന് വീടിനു പുറത്തിറങ്ങാനാകാതെ ഒരു കുടുംബം. തിരുവനന്തപുരം തോട്ടുമുക്കിലെ നൂര്‍ജഹാനും കുടുംബത്തിനുമാണ് നാട്ടുകാരുടെ അപ്രഖ്യാപിത വിലക്കിനെത്തുടര്‍ന്ന് വീട്ടിനുള്ളില്‍ തന്നെ ഇരിക്കേണ്ടിവന്നത്.

ഉംറയ്ക്ക് പോയി വന്ന ശേഷം നൂര്‍ജഹാന് ജലദോഷവും ചുമയുമുണ്ടായിരുന്നു. എന്നാല്‍ മെഡിക്കല്‍ കോളജില്‍ പോയി പരിശോധന നടത്തുകയും പ്രശ്‌നമൊന്നുമില്ലെന്ന് കണ്ടതിനെത്തുടര്‍ന്ന് വീട്ടിലേക്ക് തിരിച്ചയക്കുകയും ചെയ്തു. എന്നാല്‍ നാട്ടില്‍ ഇവര്‍ക്ക് കൊറോണ ബാധിച്ചിരിക്കുകയാണെന്നും ഇവര്‍ മെഡിക്കല്‍ കോളജിലെ ഐസൊലേഷന്‍ വാര്‍ഡില്‍ ചികിത്സയിലാണെന്നും നാട്ടില്‍ പ്രചരിച്ചു. ഇതോടെ നൂര്‍ജഹാന്റെ വീട്ടിലുള്ള ആര്‍ക്കും പുറത്തിറങ്ങാന്‍ പറ്റാതായി.

ഇവര്‍ക്കൊപ്പം ഈ പ്രദേശത്തു നിന്ന് ഉംറയ്ക്ക് പോയി വന്ന മറ്റുചിലരെക്കുറിച്ചും സമാനമായ പ്രചാരണം നടക്കുന്നതായി വിവരം ലഭിച്ചിട്ടുണ്ട്.