മാറഞ്ചേരി:  ലോക വനിതാ ദിനത്തിന്റെ ഭാഗമായി എരമംഗലം വാട്‌സ് ആപ്  കൂട്ടായ്മ ഇ. ആര്‍. എം  679587  തൃശൂര്‍, മലപ്പുറം ജില്ലകളിലായി ആയിരകണക്കിന് ഏക്കര്‍  കൃഷി സ്ഥലത്തു ഞാറുനടീല്‍ യന്ത്രം ഉപയോഗിച്ച് ഞാറുനട്ട വെളിയങ്കോട് സ്വദേശിനികളായ സുബൈദ, ശരീഫ എന്നിവരെ ആദരിച്ചു. പെരുമ്പടപ്പ് ബ്ലോക്ക് പഞ്ചായത്തിന്റെ നടീല്‍ യന്ത്രം ഉപയോഗിച്ചു കഴിഞ്ഞ മൂന്നുവര്‍ഷമായി ഇവര്‍ ഈ രംഗത്ത് കര്‍ഷകരോടൊപ്പമുണ്ടണ്ട്.  
 എരമംഗലം സെന്ററില്‍ നടന്ന പരിപാടിയില്‍ പെരുമ്പടപ്പ് പൊലിസ് സ്റ്റേഷനിലെ സീനിയര്‍ വനിതാ പൊലിസ് ഓഫിസര്‍ അമ്പിളി ഇവരെ പൊന്നാട അണിയിച്ചു. നവാസ് നാക്കൊല, കെ. വി . പ്രഭാകരന്‍, പി. രാജന്‍, ബുവനേഷ് കുമാര്‍, സരസ്വതി, രവി മജാന്‍, മനോജ് ഗോള്‍ഡന്‍, നിഷാദ് മുള്ളത്, പ്രഗിലേഷ്, ഷിജില്‍ , ജിബീഷ്  എന്നിവര്‍ സംസാരിച്ചു.