ന്യൂഡല്‍ഹി: കേന്ദ്ര ധനമന്ത്രി പിയൂഷ് ഗോയല്‍ ബജറ്റ് അവതരിപ്പിക്കുന്നു. സര്‍ക്കാറിന്റെ അഞ്ച് വര്‍ഷത്തെ നേട്ടങ്ങള്‍ എണ്ണിപ്പറഞ്ഞാണ് ബജറ്റവതരണം പുരോഗമിക്കുന്നത്. മോദി സര്‍ക്കാര്‍ രാജ്യത്തിന് ആത്മവിശ്വാസം നല്‍കിയെന്ന് അദ്ദേഹം ചൂണ്ടിക്കാട്ടി. 2022ഓടെ പുതിയ ഇന്ത്യ എന്ന വാഗ്ദാനവും അദ്ദേഹം മുന്നോട്ട് വച്ചു.

• ലോകത്തെ ആറാമത്തെ സാമ്പത്തികശക്തിയായി ഇന്ത്യ മാറി.
• 239 ബില്യണ്‍ ഡോളര്‍ വിദേശ നിക്ഷേപം.
• ബാങ്കുകളുടെ കിട്ടാക്കടങ്ങള്‍ തിരിച്ചുപിടിക്കുന്നതില്‍ കര്‍ശന നടപടിയെടുത്തു.
• മൂന്നു ലക്ഷം കോടി കിട്ടാക്കടം പിടിച്ചെടുത്തു,
• ക്ലീന്‍ ബാങ്കിങിന് വേണ്ടി നിരവധി നടപടികളെടുത്തു.
• ബാങ്കുകളുടെ ലയനം വഴി രാജ്യം മുഴുവന്‍ ബാങ്കിങ് സേവനം ലഭ്യമാക്കി.
• നയപരമായ മരവിപ്പ് ഇല്ലാതാക്കി.
• എല്ലാവര്‍ക്കും കുടിവെള്ളം, വൈദ്യുതി, കക്കൂസ് ലഭ്യമാക്കിയെന്നും അവകാശവാദം
• 1.3 കോടി വീടുകള്‍ നിര്‍മിച്ചു
• ഗ്രാമീണ റോഡുകളുടെ നിര്‍മാണം മൂന്നിരട്ടിയായി വര്‍ധിച്ചു
• പൊതുമേഖലാ ബാങ്കുകള്‍ക്ക് മൂലധന സഹായം നല്‍കാന്‍ സാധിച്ചു
• ധനകമ്മി ഏഴ് വര്‍ഷത്തെ ഏറ്റവും കുറഞ്ഞ നിരക്കിലെത്തി
• മുന്നാക്കക്കാര്‍ക്ക് 10 ശതമാനം സംവരണം നല്‍കിയത് നേട്ടം