പാലക്കാട്: അഹല്യ കണ്ണാശുപത്രിയിലെ അഞ്ചു ഡോക്ടര്‍മാരുടെ നേതൃത്വത്തില്‍ ഇന്നുരാവിലെ ഒന്‍പത് മുതല്‍ ഉച്ചയ്ക്ക് ഒന്നുവരെ കോട്ടമൈതാനത്തെ ഐ.എം.എ ഹാളില്‍ സൗജന്യ നേത്രപരിശോധനാ ക്യാംപ് സംഘടിപ്പിക്കും.
തിമിരം, കോര്‍ണിയ, റെറ്റിന, ഗ്ലോക്കോമ, പീഡിയാട്രിക് ഓഫ്താല്‍മോളജി തുടങ്ങിയ എല്ലാ സ്‌പെഷ്യാലിറ്റികളിലേയും വിദഗ്ധര്‍ പങ്കെടുക്കും. നിര്‍ധനരായ രോഗികള്‍ക്ക് ജില്ലാ അന്ധനിവാരണ സൊസൈറ്റിയുമായി സഹകരിച്ച് സൗജന്യ തിമിരശസ്ത്രക്രിയയും നടത്തും. രജിസ്‌ട്രേഷന് ക്യാംപില്‍ നേരിട്ടോ 9496006816 നമ്പറിലോ വിളിച്ച് ബുക്ക് ചെയ്യാവുന്നതാണെന്ന് അഹല്യ മാര്‍ക്കറ്റിങ് മാനേജര്‍ ടി.എന്‍ അനില്‍കുമാര്‍, അസി.മാനേജര്‍ പ്രിന്‍സ് ജോണ്‍ അറിയിച്ചു.