ബദിയഡുക്ക: വൃദ്ധ ദമ്പതികള്‍ താമസിക്കുന്ന ഓല മേഞ്ഞ വീട് കത്തി നശിച്ചു. കഴിഞ്ഞ ദിവസം രാത്രി എട്ടോടെയാണ് തീ പിടിത്തമുണ്ടായത്. തെയ്യം കലാകാരന്‍ കുംബഡാജെ പുത്രക്കളയിലെ ഭട്ട്യ (68)ന്റെതാണ് കത്തിനശിച്ച വീട്. തീ പടരുന്ന സമയത്ത് ഭാര്യ പാച്ചുവും ഭട്ട്യയും മാത്രമെ ഷെഡ്ഡിനകത്തുണ്ടായിരിന്നുള്ളു. തീ പടരുന്നത് ശ്രദ്ധയില്‍പ്പെട്ട ഉടനെ പുറത്തേക്ക് ഓടിയതിനാല്‍ ദുരന്തം ഒഴിവായി. നാട്ടുകാരാണ് തീ അണച്ചത്. ഷെഡ്ഡ് പൂര്‍ണമായും കത്തി നശിച്ചു.