കുന്നംകുളം: വാറ്റുചാരായവുമായി യുവാവിനെ കുന്നംകുളം പൊലിസ് അറസ്റ്റ് ചെയ്തു. പോര്‍ക്കുളം അകതിയൂര്‍ പാറപ്പുറം കൊള്ളന്‍പറമ്പില്‍ സന്തോഷ് (36) ആണ് പിടിയിലായത്.
കഴിഞ്ഞ ദിവസം പൊലിസിന്റെ രാത്രി പെട്രോളിങ്ങിനിടെ അകതിയൂര്‍ വായനശാല പരിസരത്ത് വച്ചാണ് ചാരായവുമായി സന്തോഷ് പിടിയിലായത്. മേഖലയില്‍ ചാരായം വാറ്റ് സജീവമാണെന്ന് പൊലിസിന് വിവരം ലഭിച്ചിട്ടുണ്ട്. എക്‌സൈസും പൊലിസും ഇവിടെ സംയുക്ത പരിശോധന നടത്തും.