കല്യാശ്ശേരി: കല്യാശ്ശേരി ഗവണ്‍മെന്റ് വൊക്കേഷനല്‍ ഹയര്‍ സെക്കന്‍ഡറി എന്‍.എസ്.എസ് യൂനിറ്റിന്റെ നേതൃത്വത്തില്‍ കലക്ടറുടെ ചോംബര്‍ ഹാളില്‍ സംഘടിപ്പിച്ച അക്കാദമിക് ഹബ് പ്രോഗ്രാമില്‍ കണ്ണൂര്‍ ജില്ലാ കലക്ടര്‍ മിര്‍ മുഹമ്മദലി ക്ലാസെടുത്തു.
പരീക്ഷകളെ എങ്ങനെ നേരിടണമെന്നും നിരന്തരമായ പ്രവര്‍ത്തനങ്ങളിലൂടെ ഏത് ലക്ഷ്യത്തിലെത്താനും വിദ്യാര്‍ഥികള്‍ക്ക് കഴിയുമെന്നും ജില്ലാ കലക്ട്രര്‍ പറഞ്ഞു. ചുറ്റുപാടുകളിലെ പല കാര്യങ്ങളിലും നോ പറയാന്‍ പഠിച്ചാല്‍ പരീക്ഷാനന്തരം ഫലം വരുമ്പോള്‍ ആരോടും നോ പറയേണ്ടി വരില്ലെന്നും കലക്ടര്‍ ഓര്‍മിപ്പിച്ചു. വളണ്ടിയേഴ്‌സിന്റെ ചോദ്യങ്ങള്‍ക്ക് കലക്ടര്‍ മറുപടി പറയുകയും ചെയ്തു. അന്‍പതോളം വിദ്യാര്‍ഥികള്‍ പങ്കെടുത്തു. ടി.പി റഹീം, സ്മിതസുകുമാരന്‍, വി. ജിഷ കുമാരന്‍, പി. ചിഞ്ചു എന്നിവര്‍ നേതൃത്വം നല്‍കി .