ചങ്ങനാശേരി: മുന്‍ നഗരസഭ ചെയര്‍മാനും കോണ്‍ഗ്രസ് പാര്‍ലമെന്ററി പാര്‍ടി ചെയര്‍മാനുമായ സെബാസ്റ്റ്യന്‍ മാത്യൂ മണമേല്‍ ചങ്ങനാശേരി നഗരസഭാ കവാടത്തിന് മുന്‍പിലുള്ള മഹാത്മാ ഗാന്ധിയുടെ പ്രതിമയ്ക്ക് മുന്നില്‍ ഒറ്റയാള്‍ സമരം നടത്തി.
ഇന്നലെ രാവിലെ 10മുതല്‍ വൈകിട്ട് അഞ്ചുവരെയാണ് ഓറ്റയാള്‍ നിരാസമരം നടത്തിയത്. കഴിഞ്ഞ ദിവസം ഗാന്ധിയെ അധിക്ഷേപിച്ച് ഹിന്ദുമഹാസഭാ നേതാവ് പൂജ ശകുന്‍ പാണ്ഡെ മഹാത്മജിയുടെ രൂപം ഉണ്ടാക്കി അതിലേക്ക് വെടി ഉയര്‍ത്തിയതിനെതിരെ പ്രതിഷേധിച്ചാണ് ഒറ്റയാള്‍ സമരം നടത്തിയത്. ഹിന്ദുമഹാസഭാ ഇതിനുമുന്‍പും രക്തസാക്ഷിദിനത്തില്‍ ഗാന്ധിജിയെ അധിക്ഷേപിച്ച് പരിപാടികള്‍ നടത്തിയിട്ടുണ്ട്.