ആറ്റിങ്ങല്‍: അനിയാവാ ബുക്‌സ് പ്രസിദ്ധീകരിച്ച വിജയന്‍ പാലാഴിയുടെ ആറാമത് പുസ്തകമായ 'സെറ്റപ്പ്' എന്ന കവിതാ സമാഹാരത്തിന്റെ പ്രകാശനം വായനാദിനമായ ഇന്ന് വൈകുന്നേരം 3 ന് ആറ്റിങ്ങല്‍ ടൗണ്‍ യു.പി.എസില്‍ നടക്കും.
ഇതോടനുബന്ധിച്ച് ഉച്ചയ്ക്ക് 1.30ന് കവിതാ രചന, ചിത്രരചന മത്സരങ്ങള്‍ നടക്കും.സമ്മേളനം അഡ്വ. ബി.സത്യന്‍ എം.എല്‍.എ ഉദ്ഘാടനം ചെയ്യും. ഗ്രന്ഥകാരന്റെ അമ്മ വി.എസ് രാധാദേവി, ഭാര്യ വി.എസ് ശ്രീജ എന്നിവര്‍ ചേര്‍ന്ന ഭദ്രദീപം തെളിക്കും. കവി കുരീപ്പുഴ ശ്രീകുമാര്‍ കേരളകൗമുദി യൂനിറ്റ് ചീഫ് കെ.അജിത്കുമാറിന് നല്‍കി പുസ്തകം പ്രകാശിപ്പിക്കും. മലായാള ശാല പ്രസിഡന്റ് ബിനു വേലായുധന്‍ അധ്യക്ഷനാകും.