മലപ്പുറം: മലപ്പുറം പ്രസ്‌ക്ലബ് സംഘടിപ്പിക്കുന്ന മലപ്പുറം ഫെസ്റ്റ് ഇന്നു തുടങ്ങും. വൈകിട്ട് ഏഴിനു മന്ത്രി കെ.ടി ജലീല്‍ ഉദ്ഘാടനം ചെയ്യും. പ്രസ്‌ക്ലബ് പ്രസിഡന്റ് ഐ. സമീല്‍ അധ്യക്ഷനാകും. പി. ഉബൈദുല്ല എം.എല്‍.എ, ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, നഗരസഭാധ്യക്ഷ സി.എച്ച് ജമീല, വിവിധ രാഷ്ട്രീയ പാര്‍ട്ടി പ്രതിനിധികള്‍ പങ്കെടുക്കും.
തുടര്‍ന്നു നിള നാഥിന്റെ ക്ലാസിക്കല്‍ ഡാന്‍സ് അരങ്ങേറും. നാളെ ശ്രീകുട്ടന്‍ തൃശൂരിന്റെ വയലിന്‍ കച്ചേരി, അഞ്ചിന് കണ്ണൂര്‍ ശരീഫ്, റിയാന റമീസ് എന്നിവരുടെ ഗാനമേള, ആറിനു കളിയും ചിരിയും പരിപാടി, ഏഴിനു ഗസല്‍-സോങ് ഓഫ് സൗള്‍, എട്ടിനു മാപ്പിളപ്പാട്ട്, 11ന് എം.കെ മുനീര്‍ എം.എല്‍എ, ബാബു ഭായ് എന്നിവര്‍ അവതരിപ്പിക്കുന്ന പരിപാടി, 16ന് നൃത്തനൃത്യങ്ങള്‍ എന്നിവ നടക്കും. നാളെ മുതല്‍ 17 ദിവസം നീണ്ടുനില്‍ക്കുന്ന പരിപാടി മലപ്പുറം കിഴക്കേത്തലയിലാണ് നടക്കുന്നത്.
ഐസ് വേള്‍ഡാണ് ഫെസ്റ്റിലെ മുഖ്യ ആകര്‍ഷണം. വൈകിട്ട് മൂന്നു മുതല്‍ ഒന്‍പതുവരെയാണ് പ്രവേശനം. മുതിര്‍ന്നവര്‍ക്ക് 70 രൂപയും പത്തു വിയസിനു താഴെയുള്ളവര്‍ക്ക് 30 രൂപയുമാണ് പ്രവേശന ഫീസ്. വാര്‍ത്താസമ്മേളനത്തില്‍ ഐ. സമീല്‍, സുരേഷ് എടപ്പാള്‍, എസ്. മഹേഷ്‌കുമാര്‍, വി.സി സാബിഖ്, സമീര്‍ കല്ലായി, വി.പി ബഷീര്‍ എന്നിവര്‍ പങ്കെടുത്തു.