ക്വാലാലംപൂര്‍: കൊവിഡ് പടരുന്ന പശ്ചാത്തലത്തില്‍ മലേഷ്യയില്‍ മലയാളികളടക്കമുള്ള ഇന്ത്യക്കാരെ തിരിച്ചെത്തിക്കാന്‍ തീരുമാനമായി.മലയാളികളടക്കമുള്ള ഇന്ത്യക്കാര്‍ ക്വാലാലംപൂര്‍ വിമാനത്താവളത്തില്‍ കുടുങ്ങിക്കിടക്കുകയായിരുന്നു.

20 മണിക്കൂറോളമായി വിമാനത്താവളത്തില്‍ കുടുങ്ങിയ സംഘത്തെ വിദേശകാര്യ മന്ത്രാലയം ഇടപെട്ട്തി രിച്ചെത്തിക്കുമെന്ന് അറിയിച്ചു.ഇവരെ എയര്‍ എഷ്യാ വിമാനത്തില്‍ ഡല്‍ഹിയിലും വിശാഖപട്ടണത്തും എത്തിക്കും. തീരുമാനം എംബസി അധികൃതര്‍ കുടുങ്ങികിടക്കുന്നവരെ അറയിച്ചു. എയര്‍ എഷ്യാ വിമാനത്തിന് ഇന്ത്യയില്‍ ലാന്‍ഡ് ചെയ്യാന്‍ അനുമതി ലഭിച്ചിട്ടുണ്ട്.

എഴുപത് മലയാളികള്‍ ഉള്‍പ്പെടെ നാനൂറിലേറെ വരുന്ന ഇന്ത്യന്‍ സംഘം ചൊവ്വാഴ്ച ഉച്ചമുതല്‍ വിമാനത്താവളത്തില്‍ കുടുങ്ങിക്കിടക്കുകയായിരുന്നു.