ചേളാരി: കൊറോണ വൈറസ് മുന്‍കരുതല്‍ നടപടികളുടെ ഭാഗമായി സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ അംഗീകൃത മദ്‌റസകള്‍ക്ക് ഈ മാസം 11 മുതല്‍ അവധി നല്‍കിയ സാഹചര്യത്തില്‍ ഏപ്രില്‍ 4, 5, 6 തിയ്യതികളില്‍ നടക്കുന്ന പൊതുപരീക്ഷയില്‍ പങ്കെടുക്കുന്ന വിദ്യാര്‍ഥികള്‍ക്ക് സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ഓണ്‍ലൈന്‍ വഴി ഗൈഡന്‍സ് ക്ലാസ് ഒരുക്കി. അഞ്ച്, ഏഴ്, പത്ത്, പന്ത്രണ്ട് ക്ലാസുകളിലെ രണ്ടരലക്ഷം വിദ്യാര്‍ഥികള്‍ക്ക് ഇതിന്റെ ഗുണഫലം ലഭിക്കും. വിദഗ്ധര്‍ തയ്യാറാക്കിയ ക്ലാസുകള്‍ www.samastha.info എന്ന വെബ്‌സൈറ്റിലും Sabq YouTube ചാനലിലും ലഭ്യമാവും.