പൈനാവ്: ഇടുക്കി കലക്ടറേറ്റ് കെട്ടിടത്തില്‍ ലിഫ്റ്റ് സൗകര്യം പ്രവര്‍ത്തനക്ഷമമായി.
കലക്ടറേറ്റില്‍ വിവിധ ആവശ്യങ്ങള്‍ക്കായി എത്തുന്ന അംഗപരിമിതരുടെയും പ്രായാധിക്യത്താല്‍ വിഷമിക്കുന്നവരുടെയും ഏറെക്കാലത്തെ ആവശ്യമായിരുന്നു ഇത്. ജില്ലാ കലക്ടറുടെ ഓഫിസ് ഉള്‍പ്പെടെ ഒന്നും രണ്ടും നിലകളിലെ ഓഫിസുകളില്‍ എത്തുന്നത് ഏറെ പ്രയാസകരമായിരുന്നു.
ലിഫ്റ്റിന്റെ ഉദ്ഘാടനം ജോയ്‌സ് ജോര്‍ജ്ജ് എം.പിയും കലക്ടറുടെ ഓഫീസിന് സമീപം സജ്ജീകരിച്ച വാട്ടര്‍പ്യൂരിഫയറിന്റെ ഉദ്ഘാടനം എസ്.രാജേന്ദ്രന്‍ എം.എല്‍.എയും നിര്‍വഹിച്ചു.
കലക്ടറേറ്റില്‍ എത്തുന്നവര്‍ക്ക് വേണ്ടി നിര്‍മിച്ച പേ ആന്റ് യൂസ് ടോയ്‌ലറ്റ് കോംപ്ലക്‌സിന്റെ ഉദ്ഘാടനം ജില്ലാകലക്ടര്‍ ജീവന്‍ ബാബുവും നിര്‍വഹിച്ചു.