കോട്ടയം : സര്‍ക്കാര്‍ സ്ഥാപനമായ ഐ..എച്ച്.ആര്‍.ഡിയുടെ കീഴില്‍ പ്രവര്‍ത്തിക്കുന്ന എറണാകുളം, തിരുവനന്തപുരം മേഖലാ കേന്ദ്രത്തിലും വാഴക്കാട്, അടൂര്‍, പയ്യന്നൂര്‍, പീരുമേട്, പട്ടുവം, കോഴിക്കോട്, പുത്തന്‍വേലിക്കര, പയ്യപ്പാടി, കാര്‍ത്തികപ്പളളി എന്നീ അപ്ലൈഡ് സയന്‍സ് കോളജുകളില്‍ ജൂലൈയില്‍ ആരംഭിക്കുന്ന പോസ്റ്റ് ഗ്രാഡ്വേറ്റ് ഡിപ്ലോമാ ഇന്‍ കംപ്യൂട്ടര്‍ ആപ്ലിക്കേഷന്‍ (പി.ജി.ഡി.സി.എ) കോഴ്‌സിലേക്ക് അപേക്ഷ ക്ഷണിച്ചു.
കൂടാതെ വടകര, മാള, കരുനാഗപ്പള്ളി, കല്യാശ്ശേരി മോഡല്‍ പോളിടെക്‌നിക്കുകളിലും മുട്ടം (തൊടുപുഴ) പെരിന്തല്‍മണ്ണ, പുതുപ്പള്ളി, ആലുവ ടെക്‌നിക്കല്‍ ഹയര്‍ സെക്കണ്ടറി സ്‌കൂളുകളിലും, തിരൂര്‍, ചേര്‍പ്പ്, കുണ്ടറ, വാളഞ്ചേരി, രാജാക്കാട് എക്‌സ്റ്റെന്‍ഷന്‍ ട്രെയിനിംഗ് സെന്ററുകളിലും കോഴ്‌സിന് അപേക്ഷ ക്ഷണിച്ചിട്ടുണ്ട്.
അംഗീകൃത സര്‍വ്വകലാശാല ബിരുദമാണ് അടിസ്ഥാന യോഗ്യത. അപേക്ഷാഫോറവും പ്രോസ്‌പെക്ടസും ഐഎച്ച്ആര്‍ഡിയുടെ ംംം.ശവൃറ.മര.ശി വെബ്‌സൈറ്റില്‍ നിന്ന് ഡൗണ്‍ലോഡ് ചെയ്യാം.
പൂരിപ്പിച്ച അപേക്ഷ ബന്ധപ്പെട്ട ട്രെയിനിംഗ് മേധാവിയുടെ പേരില്‍ എടുത്ത 150 രൂപയുടെ ഡി.ഡി (പട്ടികജാതിപട്ടികവര്‍ഗ്ഗ വിഭാഗത്തിന് 100 രൂപ) സഹിതം ജൂണ്‍ 30 നകം അതത് ട്രെയിനിംഗ് കേന്ദ്രങ്ങളില്‍ നല്‍കണം.
കൂടുതല്‍ വിവരങ്ങള്‍ ഐ.എച്ച്.ആര്‍.ഡിയുടെ വെബ്‌സൈറ്റില്‍ ലഭിക്കും.