തിരുവനന്തപുരം: സര്‍വകലാശാല പരീക്ഷകള്‍ മാറ്റിവെക്കേണ്ടതില്ലെന്ന തീരുമാനത്തിലുറച്ച് സംസ്ഥാന സര്‍ക്കാര്‍. ആരോഗ്യവകുപ്പിന്റെ മാനദണ്ഡങ്ങള്‍ കര്‍ശനമായി പാലിച്ച് പരീക്ഷകള്‍ പൂര്‍ത്തിയാക്കാനും തീരുമാനിച്ചിട്ടുണ്ട്. ഇക്കാര്യം യു.ജി.സിയെ അറിയിക്കുമെന്ന് ഉന്നത വിദ്യാഭ്യാസ മന്ത്രി ഡോ.കെ.ടി ജലീല്‍ അറിയിച്ചു.
കേന്ദ്രീകൃത മൂല്യനിര്‍ണയ ക്യാംപുകള്‍ക്ക് പകരം വീട്ടില്‍ നിന്നുള്ള മൂല്യനിര്‍ണയം നടത്തുന്നത് സംബന്ധിച്ച് സര്‍ക്കാര്‍ സര്‍വകലാശാലകളുമായി ആലോചന നടത്തും. ഇക്കാര്യത്തില്‍ അന്തിമ തീരുമാനമെടുത്തിട്ടില്ല.

സര്‍വകലാശാല പരീക്ഷകളും മൂല്യനിര്‍ണയവും മാര്‍ച്ച് 31വരെ മാറ്റിവെക്കാന്‍ യു.ജി.സി നിര്‍ദേശിച്ചിരുന്നു. ഈ സാഹചര്യത്തിലാണ് സര്‍ക്കാര്‍ തീരുമാനം യു.ജി.സിയെ അറിയിക്കാന്‍ തീരുമാനിച്ചത്.