പേരാമ്പ്ര: കാന്‍സര്‍ രോഗികള്‍ക്ക് കേശദാനം നടത്തിയ ചെമ്പനോട സെന്റ് ജോസഫ് ഹൈസ്‌കൂള്‍ വിദ്യാര്‍ഥികളെ ഏകതാ പരിഷത്ത് ജില്ലാ കമ്മിറ്റി ആദരിച്ചു. വിവിധ മേഖലകളില്‍ കഴിവ് തെളിയിച്ച കെ.എം ബഷീര്‍, ശാന്ത, ഷമിത, മുഹമ്മദ് റഷീദ് തുടങ്ങിയവരെയും അനുമോദിച്ചു. ചങ്ങരോത്ത് പഞ്ചായത്ത് വൈസ് പ്രസിഡന്റ് മൂസ കോത്തമ്പ്ര പരിപാടി ഉദ്ഘാടനം ചെയ്തു. പപ്പന്‍ കന്നാട്ടി അധ്യക്ഷനായി. പഞ്ചായത്ത് പ്രസിഡന്റ് ഷൈലജ ചെറുവോട്ട് വിദ്യാര്‍ഥികള്‍ക്ക് ഉപഹാരം നല്‍കി. അബ്ദുല്ല പുനത്തില്‍, എന്‍.പി വിജയന്‍ ബോബന്‍ തുടങ്ങിയവര്‍ സംസാരിച്ചു.