താനൂര്‍: ഈ വര്‍ഷത്തെ എസ് എസ് എല്‍ സി പരീക്ഷക്കു ഇന്നലെ തുടക്കമായപ്പോള്‍ മണ്ഡലത്തിലെ സ്‌കൂളുകളില്‍ പരീക്ഷ എഴുതുന്നവരുടെ എണ്ണത്തില്‍ മുന്‍ വര്‍ഷത്തേതിലും കുറവ്. മണ്ഡലത്തിലെ  അയ്യായിരത്തോളം വിദ്യാര്‍ഥികളുള്ള   ദേവധാര്‍ ഹയര്‍ സെക്കന്‍ഡറി സ്‌കൂളില്‍ ഇത്തവണ പരീക്ഷയ്ക്കിരുന്നത് 914 പേര്‍. കഴിഞ്ഞ വര്‍ഷം 975 വിദ്യാര്‍ഥികളാണു ഇവിടെ പരീക്ഷക്കിരുന്നത്.  മറ്റു സ്‌കൂളുകളിലും പരീക്ഷാര്‍ഥികളുടെ എണ്ണത്തില്‍ കുറവ് വന്നിട്ടുണ്ട്. രായിരിമംഗലം ഹയര്‍ സെക്കന്‍ഡറി സ്‌കൂളില്‍ 789. കഴിഞ്ഞ വര്‍ഷം835. ഒഴൂര്‍ സ്‌കൂളില്‍ 513.കഴിഞ്ഞവര്‍ഷം 562. തെയ്യാലിങ്ങള്‍  എസ് എസ് എം എച് എസില്‍ 725. കഴിഞ്ഞ വര്‍ഷം 750. കാട്ടിലങ്ങാടി സ്‌കൂളില്‍ 257. കഴിഞ്ഞ വര്‍ഷം 260. ഫിഷറീസില്‍ 16. കഴിഞ്ഞ വര്‍ഷം 14. നിറമരുതൂര്‍ സ്‌കൂളില്‍ 481. കഴിഞ്ഞ വര്‍ഷം 474. കൂടുതല്‍ ദേവധാറിലും കുറവ് ഫിഷറീസിലുമാണ്.