പാലക്കാട്: മലമ്പുഴ ഡാം കുട്ടികളുടെ പാര്‍ക്കിലെ ടോയ് ട്രെയിന്‍ അറ്റകുറ്റപ്പണികള്‍ക്ക് ശേഷം പ്രവര്‍ത്തന സജ്ജമായതായി മലമ്പുഴ മെക്കാനിക്കല്‍ ഡിവിഷന്‍ എക്‌സിക്യൂട്ടിവ് എന്‍ജിനീയര്‍ കെ.പി ഹരികൃഷ്ണന്‍ അറിയിച്ചു. ട്രെയിനിന്റെ ഗീയര്‍ ബോക്‌സ് തകരാറിലായതിനെ തുടര്‍ന്നാണ് പ്രവര്‍ത്തനം നിര്‍ത്തിയത്.
സ്ഥലം എം.എല്‍.എയും ഭരണപരിഷ്‌കരണ കമ്മിഷന്‍ ചെയര്‍മാനുമായ വി.എസ് അച്യുതാനന്ദന്റെ ഇടപെടലിനെ തുടര്‍ന്ന് ടോയ് ട്രെയിന്‍ ഉടനെ പ്രവര്‍ത്തന സജ്ജമാക്കാന്‍ ഉദ്യോഗസ്ഥര്‍ക്ക് നിര്‍ദേശം നല്‍കുകയായിരുന്നു.