തളിപ്പറമ്പ്: ഒരു നേരത്തെ അന്നത്തിനായി കൈ നീട്ടുന്നവരെ കാത്ത് തളിപ്പറമ്പിലെ വ്യാപാരി കൂട്ടായ്മയില്‍ അത്താഴക്കൂട്ടം. തളിപ്പറമ്പില്‍ അത്താഴപട്ടിണിക്കാരെ ഇല്ലാതാക്കുക എന്നതിനോടൊപ്പം ഭിക്ഷാടനം പൂര്‍ണമായും ഒഴിവാക്കുക എന്ന ലക്ഷ്യം കൂടി പദ്ധതിക്കുണ്ട്.
നാഷണല്‍ ഫൈസല്‍, ഷഫീഖ് സീലാന്റ്, ഹിതാഷ് അഷ്‌റഫ്, കെ.എസ് റിയാസ് എന്നിവര്‍ ഓര്‍ഗനൈസര്‍മാരായും വിജയ് നീലകണ്ഠന്‍, വി താജുദ്ദീന്‍ സമീര്‍, അന്‍സാര്‍ തുടങ്ങിയവര്‍ നിയന്ത്രിക്കുന്ന ഇരുപതു പേരടങ്ങുന്ന വളണ്ടിയര്‍ ഗ്രൂപ്പുകള്‍ രൂപീകരിച്ചുമാണ് അത്താഴക്കൂട്ടത്തിന്റെ പ്രവര്‍ത്തനം ഏകോപിപ്പിക്കുന്നത്. 14ന് തളിപ്പറമ്പില്‍ പ്രവര്‍ത്തനമാരംഭിക്കുന്ന അത്താഴക്കൂട്ടത്തിന് നഗരസഭ, പൊലിസ്, രാഷ്ട്രീയ സാംസ്‌കാരിക പ്രവര്‍ത്തകര്‍ തുടങ്ങിയവരുടെ പിന്തുണയുമുണ്ട്.