കാസര്‍കോട്: കൊറോണയുമായി ബന്ധപ്പെട്ട തുടക്കം മുതലേയുള്ള തെറ്റായ ഒരു ധാരണയാണ് ചെറുപ്പക്കാരെ ബാധിക്കില്ലെന്നത്. രോഗ പ്രതിരോധ ശേഷി കൂടുതലാണെന്നും അതുകൊണ്ട് ചെറുപ്പക്കാരെ ബാധിക്കില്ലെന്നുമായിരുന്നു ഇത്തരക്കാര്‍ പറഞ്ഞുവച്ചിരുന്നത്. എന്നാല്‍ ഇന്ന് കാസര്‍കോട്ടെ കേസുകള്‍ മാത്രം നോക്കിയാല്‍ ഇക്കാര്യം വ്യക്തമാവും.

19 പേര്‍ക്കാണ് ഇന്ന് കാസര്‍കോട് ജില്ലയില്‍ കൊറോണ സ്ഥിരീകരിച്ചത്. ഇതില്‍ രണ്ടു പേരൊഴികെ മറ്റുള്ളവരെല്ലാം 50 വയസിന് താഴെയുള്ളവരാണ്. മൂന്നു പേരാണ് നാല്‍പതിനും 49 നും ഇടയില്‍ പ്രായമുള്ളവര്‍. 24 വയസുകാരനാണ് കൂട്ടത്തില്‍ ഏറ്റവും ചെറുപ്പമുള്ളയാള്‍.

കാസര്‍കോട്ടെ ഇന്നത്തെ കൊറോണ ബാധിതര്‍

* 24,30,31 വയസ്സുള്ള ബാരെ സ്വദേശികള്‍
* 41 വയസ്സുള്ള ബേക്കല്‍ സ്വദേശി
* 34,40,37 വയസ്സുള്ള കളനാട് സ്വദേശികള്‍
* 47 വയസ്സുള്ള കുഡ്‌ലു സ്വദേശി
* 34,21 വയസ്സുള്ള കോസര്‍കോട് സ്വദേശികള്‍
* 50 വയസ്സുള്ള അലാമിപ്പള്ളി സ്വദേശി
* 32 വയസ്സുള്ള ചിത്താരി സ്വദേശി
* 27,33 വയസ്സുള്ള ഉദുമ സ്വദേശികള്‍
* 32 വയസ്സുള്ള മല്ലം സ്വദേശി
* 27 വയസ്സുള്ള പൂച്ചക്കാട് സ്വദേശി
* 34 വയസ്സുള്ള കൊമ്പന്‍പാറ സ്വദേശി
* 52 വയസ്സുള്ള നെല്ലിക്കുന്ന് സ്വദേശി
* 26 വയസ്സുള്ള ചിത്താരി സ്വദേശിയായ യുവതി