ശ്രീനഗര്‍: കശ്മീരില്‍ വീണ്ടും ഏറ്റുമുട്ടല്‍. പുല്‍വാമയില്‍ സൈന്യവും തീവ്രവാദികളും തമ്മിലുണ്ടായ ഏറ്റുമുട്ടലില്‍ ഒരു ഭീകരന്‍ കൊല്ലപ്പെട്ടതായി റിപ്പോര്‍ട്ട്. ഇന്ന് പുലര്‍ച്ചെയാണ് ഏറ്റുമുട്ടല്‍ ആരംഭിച്ചത്.
മൂന്നോ നലോ തീവ്രവാദികള്‍ ഒളിച്ചിരിക്കുന്നുണ്ടെന്ന വിവരം ലഭിച്ചതിനെ തുടര്‍ന്നാണ് വെടിവെപ്പ് ആരംഭിച്ചതെന്ന് ഔദ്യോഗിക വൃത്തങ്ങള്‍ അറിയിച്ചു.
കഴിഞ്ഞ നാലു ദിവസത്തിനിടെ നടക്കുന്ന രണ്ടാമത്തെ ഏറ്റുമുട്ടലാണിത്. പുല്‍വാമ ജില്ലയിലെ ട്രാലില്‍ കഴിഞ്ഞ ദിവസം നടന്ന ഏറ്റുട്ടലില്‍ ഒരു പൊലിസുകാരനും രണ്ടു തീവ്രവാദികളും കൊല്ലപ്പെട്ടിരുന്നു.