മട്ടാഞ്ചേരി: ഒന്‍പതു വയസുകാരിയെ ലൈംഗികമായി പീഡിപ്പിച്ച സംഭവത്തില്‍ വര്‍ക്ക്‌ഷോപ്പ് ഉടമയെ പോക്‌സോ നിയമപ്രകാരം അറസ്റ്റു ചെയ്തു. ചുള്ളിക്കല്‍ ചക്കനാട്ട്, ബാവ മന്‍സിലില്‍ സുലൈമാന്‍ (47) ആണ് പിടിയിലായത്. കഴിഞ്ഞ 21നാണ് കേസിനാസ്പദമായ സംഭവം.
കളിപ്പാട്ടത്തില്‍ കാറ്റ് നിറയ്ക്കാന്‍ ഇയാളുടെ അടുത്തെത്തിയ കുട്ടിയെ പ്രതി ലൈംഗികമായി പീഡിപ്പിക്കുകയായിരുന്നു. വീട്ടുകാരോട് കുട്ടി വിവരം പറഞ്ഞതിനെ തുടര്‍ന്ന് കുട്ടിയുടെ മാതാവ് തോപ്പുംപടി പൊലിസില്‍ പരാതി നല്‍കുകയായിരുന്നു. തുടര്‍ന്ന് ചൈല്‍ഡ്‌ലൈന്‍ ഇടപെട്ട് കുട്ടിയുടെ മൊഴി രേഖപ്പെടുത്തി. കുട്ടിയെ വൈദ്യപരിശോധനക്ക് വിധേയമാക്കി. പ്രതിയെ ഇന്ന് കോടതിയില്‍ ഹാജരാക്കും.
ഇതിനിടെ സംഭവം പുറത്തറിഞ്ഞതോടെ നാട്ടുകാര്‍ ശനിയാഴ്ച്ച രാത്രി സുലൈമാനെ മര്‍ദിച്ചു.
പൊലിസ് കസ്റ്റഡിയില്‍ എടുക്കുന്നതിന് മുന്‍പാണ് സംഭവം. തുടര്‍ന്ന് പൊലിസെത്തി പ്രതിയെ എറണാകുളം ജനറല്‍ ആശ്രുപത്രിയില്‍ പ്രവേശിപ്പിച്ചു.