വിദേശകാര്യ മന്ത്രിക്ക് കത്തയച്ചു

 തിരുവനന്തപുരം:  കൊവിഡ് ബാധയെത്തുടര്‍ന്ന് മാള്‍ട്ടയില്‍ കുടങ്ങിപ്പോയ 200 ഇന്ത്യന്‍ ഡ്രൈവര്‍മാരെ നാട്ടിലെത്തിക്കാനുള്ള നടപടികള്‍ അടിയന്തിരമായി സ്വീകരിക്കണമെന്നാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല  വിദേശകാര്യമന്ത്രി എസ്.ജയശങ്കറിനു കത്തയച്ചു.   

ഇവര്‍ എല്ലാവരും അവിടെ  കൊവിഡിന്റെ ഭാഗമായി നിരീക്ഷണത്തിലാണ്. അന്താരാഷ്ട്ര വിമാന സര്‍വിസുകള്‍ നിര്‍ത്തിവച്ചിരിക്കുന്നത് കാരണം അവര്‍ക്കാര്‍ക്കും നാട്ടിലേക്ക് മടങ്ങാനും കഴിയില്ല. മാത്രമല്ല കൊവിഡ് ബാധിതരെ ചികിത്സിക്കാന്‍ എല്ലാ സജ്ജീകരണങ്ങളും ഉള്ള ഒരു ആശുപത്രി മാത്രമാണ്  മാള്‍ട്ടയിലുള്ളത്. അതുകൊണ്ട്  ഖത്തര്‍ വഴിയോ ദുബൈ വഴിയോ ഇവരെ എല്ലാവരെയും നാട്ടിലെത്തിക്കാനുള്ള നടപടികള്‍ ഉണ്ടാകണമെന്ന് രമേശ് ചെന്നിത്തല കത്തിലൂടെ അഭ്യര്‍ഥിച്ചു.