കോഴിക്കോട്: സോഷ്യല്‍ മീഡിയയ്ക്കു നിയന്ത്രണം നല്‍കി ജനങ്ങളോടു സംസാരിക്കൂവെന്നു വിദ്യാര്‍ഥികളോട് എക്‌സൈസ് കമ്മിഷണര്‍ ഋഷിരാജ് സിങ്. വായനാദിനത്തിന്റ ഭാഗമായി നടക്കാവ് സ്‌കൂളില്‍ സംഘടിപ്പിച്ച വിദ്യാര്‍ഥികളുമായുള്ള മുഖാമുഖത്തല്‍ സംസാരിക്കുകയായിരുന്നു അദ്ദേഹം.
വായനാശീലം കുറഞ്ഞതാണ് സോഷ്യല്‍ മീഡിയ സമൂഹത്തില്‍ മുന്‍കൈ നേടാന്‍ കാരണം. രാജ്യത്തെ മറ്റു സംസ്ഥാനങ്ങളില്‍ നിന്നു വ്യത്യസ്തമായുള്ള കേരളത്തിലെ ഉയര്‍ന്ന സാക്ഷരത അഭിമാനകരമാണ്. അതോടൊപ്പം സമൂഹത്തില്‍ ലിംഗവിവേചനം വര്‍ധിക്കുന്നതും ഉന്നത വിദ്യാഭ്യാസരംഗത്തു പെണ്‍കുട്ടികളുടെ കുറവും ചര്‍ച്ചചെയ്യപ്പെടണം. മാലിന്യ സംസ്‌കരണത്തിലും മഴവെള്ള സംഭരണത്തിലും കൂടുതല്‍ ശ്രദ്ധ പതിപ്പിക്കണമെന്നും ഋഷിരാജ് സിങ് പറഞ്ഞു. ഹയര്‍സെക്കന്‍ഡറി സ്‌കൂള്‍ പ്രധാനാധ്യാപിക സുഷമ, റോഷന്‍ ജോണ്‍ സംസാരിച്ചു.

.