മക്ക: നാട്ടില്‍ നിന്നും സ്വകാര്യ ഹജ്ജ് ഗ്രൂപ്പ് മുഖേന ഉംറയ്‌ക്കെത്തിയ മലയാളി വീട്ടമ്മയെ മക്കയില്‍ കാണാതായി.
കൊയിലാണ്ടി കൊല്ലം സ്വദേശിനി എറുങ്കാട്ടില്‍ നഫീസ (45) യെയാണ് കഴിഞ്ഞ ബുധനാഴ്ച മുതല്‍ കാണാതായത്. ഇവര്‍ ഉപയോഗിച്ചിരുന്ന തിരിച്ചറിയാനുള്ള മാര്‍ഗങ്ങളായ പ്രത്യേക നിറത്തിലുള്ള തട്ടവും ഐ.ഡി കാര്‍ഡും ഇവര്‍ ഇരുന്നിരുന്ന സ്ഥലത്തിനു സമീപത്തു നിന്നായി ലഭിച്ചിട്ടുണ്ട്. ഇപ്പോള്‍ ഇവരുടെ കൈയില്‍ ഇനി യാതൊരു വിധ തിരിച്ചറിയല്‍ രേഖകളുമില്ല. ഉംറ നിര്‍വഹിക്കാനെത്തി രണ്ടാം ദിവസമാണ് കാണാതായത്.
ഭര്‍ത്താവിനോടൊപ്പമാണ് ഇവര്‍ ഉംറക്കെത്തിയത്. പൊലിസില്‍ പരാതിനല്‍കി. വിവരം ലഭിക്കുന്നവര്‍ 0580267425, 0564316316 എന്നീ നമ്പറുകളില്‍ ബന്ധപ്പെടണം.