പോത്തന്‍കോട്: വീടിനു സമീപത്തെ പ്ലാവില്‍ ചക്കയിടാന്‍ കയറിയ ഗൃഹനാഥന്‍ ഷോക്കേറ്റു മരിച്ചു. മഞ്ഞമല മഞ്ജു ഭവനില്‍ ചന്ദ്രന്‍(52) ആണ് ഷോക്കേറ്റ് മരിച്ചത്.
ഞായറാഴ്ച വൈകുന്നേരം അഞ്ചരയോടെയാണ് അപകടം നടന്നത്. വീടിനു പുറകിലത്തെ പ്ലാവില്‍ ചക്കയിടാന്‍ കേറവെ കൈയിലുണ്ടായിരുന്ന ഇരുമ്പു പൈപ്പുകൊണ്ടുള്ള തോട്ട വൈദ്യുത കമ്പിയില്‍തട്ടി ഷോക്കേല്‍ക്കുകയായിരുന്നു. മരത്തില്‍ നിന്ന് നിലത്തു വീണ ചന്ദ്രനെ ഓടിക്കൂടിയവര്‍ ഉടന്‍ മെഡിക്കല്‍ കോളെജ് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഭാര്യ രമ, മക്കള്‍: മഞ്ജു, മനോജ്, മനു. മരുമകന്‍ രഞ്ജിത്ത്.