ഈരാറ്റുപേട്ട: മികച്ച പ്രവര്‍ത്തനങ്ങളിലൂടെ തിടനാട് ഗ്രാമപഞ്ചായത്തിന് ഐ.എസ്.ഒ നിലവാരത്തിലേക്ക് ഉയരാന്‍ കഴിഞ്ഞതായി പ്രസിഡന്റ് മിനി സാവിയോ അറിയിച്ചു.
പൊതുജനങ്ങള്‍ക്ക് മെച്ചപ്പെട്ട സേവനങ്ങള്‍ ഉറപ്പാക്കുന്നതിന് ആവശ്യമായ എല്ലാ സൗകര്യങ്ങളും പഞ്ചായത്തില്‍ ക്രമീകരിച്ചതായി അവര്‍ അറിയിച്ചു.
അടുത്ത മാസം ഐ.എസ്.ഒ പ്രഖ്യാപനം വിപുലമായ രീതിയില്‍ നടത്തുമെന്നും അവര്‍ പറഞ്ഞു.
നികുതി പിരിവിലും പദ്ധതി തുക വിനിയോഗത്തിലും ഏഴാം സ്ഥാനത്ത് എത്താനായതായി മിനി സാവിയോ പറഞ്ഞു.
ലൈഫ് ഭവന പദ്ധതിയില്‍ പൂര്‍ത്തിയാകാത്ത വീടുകള്‍ 100 ശതമാനം പൂര്‍ത്തിയാക്കാനായി.