ചവറ: ചവറ കെ.എം.എം.എല്‍ എസ്.ടി.യു യൂനിയന്റെ ജീവകാരുണ്യ പ്രവര്‍ത്തനങ്ങള്‍ ശ്രദ്ധേയമാണെന്ന് മുന്‍ പൊതുമരാമത്ത് വകുപ്പ് മന്ത്രി വി.കെ ഇബ്രാഹിംകുഞ്ഞ് എം.എല്‍.എ. അബ്ബാസ് സേട്ടിന്റെ സ്മരണാര്‍ത്ഥം കെ.എം.എം.എല്‍ എസ്.ടി.യു യൂനിയന്‍ നിര്‍മിക്കുന്ന പുതിയ ഓഫിസ് കെട്ടിടത്തിന്റെ ശിലാസ്ഥാപന കര്‍മ്മം ഉദ്ഘാടനം ചെയ്യുകയായിരുന്നു അദ്ദേഹം. യൂനിയന്റെ നേതൃത്വത്തില്‍ നിരവധി പാര്‍പ്പിട പദ്ധതികളും ചവറയില്‍ അനവധി കാരുണ്യ പ്രവര്‍ത്തനങ്ങള്‍ക്കും യൂനിയന്‍ പ്രവര്‍ത്തകര്‍ നേതൃത്വം നല്‍കി വരുന്നുണ്ട്.
യൂനിയന്‍ വര്‍ക്കിങ് പ്രസിഡന്റ് രഘുനാഥ ഗുരുക്കള്‍ അധ്യക്ഷത വഹിച്ചു. കെ.എം.എം.എല്‍ എം.ഡി കെ. റോയി കുര്യന്‍ ക്യാന്‍സര്‍ രോഗികള്‍ക്കുള്ള ചികില്‍സ ധനസഹായം വിതരണം ചെയ്തു.
യൂനിയന്‍ പ്രസിഡന്റ് വി ഇ അബ്ദുല്‍ഗഫൂര്‍, സെക്രട്ടറി സംഗീത് സാലി, ശ്യാം സുന്ദര്‍, അഡ്വ: സുല്‍ഫീക്കര്‍ സലാം, കക്കാകുന്ന് ഉസ്മാന്‍ , എം എ കബീര്‍, കാട്ടൂര്‍ ബഷീര്‍, ഭാരവാഹികളായ സന്തോഷ്, രഘുനാഥന്‍, ശ്രീകുമാര്‍ , നഹാസ് , രാജേഷ്, റഹിം എന്നിവര്‍ സംബന്ധിച്ചു.