പട്‌ന: പട്ടാപ്പകല്‍ ബിഹാറിലെ പൊതുനിരത്തില്‍ പെണ്‍കുട്ടി കൂട്ട മാനഭംഗത്തിനിരയായി. ആറു പേരടങ്ങുന്ന സംഘമാണ് ബിഹാറിലെ ജഹാനബാദില്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡനത്തിനിരയാക്കിയത്. പൊതുനിരത്തില്‍ ബലമായി പെണ്‍കുട്ടിയുടെ വസ്ത്രം ഉരിയുകയും പീഡിപ്പിക്കുകയുമായിരുന്നു. പ്രതികളെല്ലാവരും കൗമാരക്കാരാണ്.
സംഭവത്തിന്റെ വിഡിയോ സമൂഹ മാധ്യമങ്ങളിലൂടെ പ്രചരിച്ചിട്ടുണ്ട്. വിഡിയോ പുറത്തുവന്നതിനെ തുടര്‍ന്ന് പ്രതികളെ പൊലിസ് അറസ്റ്റ് ചെയ്തു. രണ്ടുപേര്‍ കൂടി അറസ്റ്റിലാകാനുണ്ട്. വിഡിയോയില്‍ ഉണ്ടായിരുന്ന ബൈക്കിന്റെ നമ്പര്‍ പിന്‍തുടര്‍ന്നാണ് പൊലിസ് പ്രതികളെ കണ്ടെത്തിയത്. രക്ഷക്കായി പെണ്‍കുട്ടി നിലവിളിച്ചിട്ടും ആരും എത്തിയിരുന്നില്ല. പെണ്‍കുട്ടി സഹായത്തിന് അഭ്യര്‍ഥിക്കുന്നതുള്‍പ്പെടെയുള്ള ദൃശ്യങ്ങള്‍ വിഡിയോയിലുണ്ട്.