റിയാദ്: സഊദിയിലെ ജനവാസ കേന്ദ്രങ്ങൾ ലക്ഷ്യമാക്കി യമനിലെ വിമതർ മിസൈൽ ആക്രമണം നടത്തി. വെള്ളിയാഴ്ച പുലർച്ചെയാണ് ആക്രമണ ശ്രമം നടന്നത്. എന്നാൽ ലക്ഷ്യ സ്ഥാനം കാണും മുമ്പ് തന്നെ സഊദിയുടെ നേതൃത്വത്തിലുള്ള അറബ് സഖ്യ പ്രതിരോധ സേന മിസൈൽ തകർത്തു. സഊദി ജനവാസ കേന്ദ്രങ്ങളായ അബഹ, ഖമീസ് മുശൈത് നഗരങ്ങൾ ലക്ഷ്യമാക്കിയാണ്  മിസൈൽ എത്തിയിരുന്നതെന്ന് അറബ് സഖ്യ സേന വക്താവ് കേണൽ തുർക്കി അൽ മാലികിയെ ഉദ്ധരിച്ചു സഊദി വാർത്താ ഏജൻസി റിപ്പോർട്ട് ചെയ്തു. 

       കൊറോണ വൈറസ് വ്യാപകമാകുന്നതിനിടെ യെമൻ യുദ്ധത്തിലെ പ്രധാന കക്ഷികൾ  അടിയന്തര ഉടമ്പടിയിൽ എത്തണമെന്ന് വ്യാഴാഴ്ച യു എൻ ആവശ്യപ്പെട്ടതിന് പിന്നാലെയാണ് ഇപ്പോഴത്തെ ആക്രമണം.