മാഡ്രിഡ്: ബാഴ്‌സലോണയുടെ ബ്രസീലിയന്‍ മിഡ്ഫീല്‍ഡര്‍ ആര്‍തര്‍ മെലോക്ക് പരുക്ക്. താരത്തിന് നാലാഴ്ചയോളം കളത്തിന് പുറത്തിരിക്കേണ്ടി വരും. ഇതോടെ ലാലിഗയില്‍ അത്‌ലറ്റിക് ക്ലബ്, റയല്‍ വല്ലഡോലിഡ്, സെവിയ്യ, ചാംപ്യന്‍സ് ലീഗില്‍ ലിയോണ്‍ എന്നിവര്‍ക്കെതിരേയുള്ള മത്സരങ്ങള്‍ മെലോക്ക് നഷ്ടമാവും. 28ന് സാന്റിയാഗോ ബെര്‍ണാബ്യൂവില്‍ നടക്കുന്ന കോപ്പ ഡെല്‍ റെ രണ്ടാം പാദ സെമി ഫൈനല്‍ മത്സരത്തിലും മെലോ ഇറങ്ങില്ല. ഏര്‍നെസ്‌റ്റോ വാല്‍വെര്‍ഡെയുടെ വിശ്വസ്ത കളിക്കാരനായ മെലോയുടെ പരുക്ക് ബാഴ്‌സലോണക്ക് തിരിച്ചടിയാണ്.