ജക്കാര്‍ത്ത: ഇന്തോനേഷ്യയില്‍ ശക്തമായ വെള്ളപ്പൊക്കത്തില്‍ 35 മരണം. സെന്‍ട്രല്‍ ജാവയില്‍ വെള്ളപ്പൊക്കം കാരണം മണ്ണിടിച്ചില്‍ രൂക്ഷമായിട്ടുണ്ട്. വെള്ളപ്പൊക്കത്തില്‍ ആയിരക്കണക്കിന് വീടുകള്‍ തകര്‍ന്നിട്ടുണ്ടെന്നും ദുരിതാശ്വാസ പ്രവര്‍ത്തനങ്ങള്‍ നടത്തുന്നുണ്ടെന്നും ഇന്തോനേഷ്യന്‍ ദുരന്തനിവാരണ വാക്താവ് പറഞ്ഞു. 31 പേര്‍ മണ്ണിടിച്ചിലിലും നാലുപേര്‍ വെള്ളപ്പൊക്കത്തിലുമാണ് മരിച്ചത്. 25 പേരെ കാണാതായിട്ടുണ്ട്. 16 നഗരങ്ങളില്‍ ശക്തമായ മഴയും വെള്ളപ്പൊക്കവുമാണ്. സൈന്യവും പൊലിസും രക്ഷാപ്രവര്‍ത്തനത്തില്‍ ഏര്‍പ്പെട്ടിട്ടുണ്ട്.