പേരാമ്പ്ര: ചേനോളി എ.എം.എല്‍.പി സ്‌കൂള്‍ 89ാം വാര്‍ഷികാഘോഷം നാളെ സ്‌കൂള്‍ ഹാളില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. വാര്‍ഷികത്തിന്റെ ഭാഗമായി പൂര്‍വ വിദ്യാര്‍ഥി സംഗമം, വികസന സെമിനാര്‍, കുട്ടികളുടെ പാര്‍ക്ക് ഉദ്ഘാടനം, ലോഗോ പ്രകാശനം, കലാപരിപാടികള്‍ എന്നിവയും നടക്കും. രാവിലെ പത്തുമുതല്‍ നടക്കുന്ന വിദ്യാര്‍ഥി സംഗമവും വികസന സെമിനാറും ബാബു പറശേരി ഉദ്ഘാടനം ചെയ്യും. പഞ്ചായത്ത് പ്രസിഡന്റ് പി.എം കുഞ്ഞിക്കണ്ണന്‍ അധ്യക്ഷനാകും.
വികസന രേഖ അവതരണം കെ.ടി ബാലകൃഷ്ണന്‍ മാസ്റ്റര്‍ നിര്‍വഹിക്കും. അഷ്‌റഫ് കാവില്‍ മുഖ്യപ്രഭാഷണം നടത്തും.
പൂര്‍വ വിദ്യാര്‍ഥികളെ ആദരിക്കല്‍ ജില്ലാ പഞ്ചായത്ത് വിദ്യാഭ്യാസ സ്ഥിരം സമിതി അധ്യക്ഷ സുജാത മനക്കല്‍ നിര്‍വഹിക്കും. ലോഗോ പ്രകാശനം പേരാമ്പ്ര എ.ഇ.ഒ സുനില്‍കുമാര്‍ അരീക്കാംവീട്ടില്‍, കുട്ടികളുടെ പാര്‍ക്ക് ഉദ്ഘാടനം പക്രന്‍ ഹാജി എന്നിവര്‍ നിര്‍വഹിക്കും. ബി.പി.ഒ കെ. ശ്രീധരന്‍പങ്കെടുക്കും.
വാര്‍ത്താസമ്മേളനത്തില്‍ എന്‍.ഇബ്രാഹീം മാസ്റ്റര്‍, പ്രധാനാധ്യാപിക രാജലക്ഷ്മി, മുജീബ് റഹ്മാന്‍, രാജീവന്‍ കെ.സി, വി. കാസിം, കെ. നിഷ സംബന്ധിച്ചു.