ഇരവിപുരം: മണക്കാട് ഡിവിഷനിലെ കുറ്റാത്തുവിള ലക്ഷം വീട് അങ്കനവാടിയിലെ കുരുന്നുകള്‍ക്ക് ഇനി ശീതീകരിച്ച അങ്കന്‍വാടിയിലിരുന്ന് പഠിക്കാം. കൊല്ലം കോര്‍പ്പറേഷനിലെ മണക്കാട് ഡിവിഷനിലെ എഴുപത്തിയെട്ടാം നമ്പര്‍ അങ്കന്‍വാടിക്കായി നിര്‍മിച്ച ആധുനിക സൗകര്യങ്ങളാടെ നിര്‍മിച്ച കെട്ടിടം ഉദ്ഘാടനം ചെയ്തു. എയര്‍  കണ്ടീഷന്‍ ചെയ്ത അങ്കന്‍വാടി കെട്ടിടം കൂറ്റാത്തുവിള ലക്ഷം വീട് വളപ്പിലെ അങ്കന്‍വാടി അങ്കണത്തില്‍ നടന്ന ചടങ്ങില്‍ എം. നൗഷാദ് എം.എല്‍.എ ഉദ്ഘാടനം ചെയ്തു. മേയര്‍ വി. രാജേന്ദ്രബാബു അധ്യക്ഷത വഹിച്ചു. ഡെപ്യൂട്ടി മേയര്‍ വിജയാ ഫ്രാന്‍സിസ് മുഖ്യ പ്രഭാഷണം നടത്തി. നഗരാസൂത്രണ സ്റ്റാന്‍ഡിങ് കമ്മിറ്റി ചെയര്‍മാന്‍ വി എസ് പ്രിയദര്‍ശന്‍, കോര്‍പറേഷന്‍ കൗണ്‍സിലര്‍മാരായ സഹൃദയന്‍, എസ് സലീന എന്നിവര്‍ സംസാരിച്ചു. കോര്‍പറേഷന്‍ സെക്രട്ടറി വി ആര്‍ രാജു റിപ്പോര്‍ട്ട് അവതരിപ്പിച്ചു' ക്ഷേമകാര്യ സ്റ്റാന്‍ഡിങ് കമ്മറ്റി ചെയര്‍മാന്‍ എസ് ഗീതാകുമാരി, ഷംല സംസാരിച്ചു.