തലശ്ശേരി: തലശ്ശേരി പൊലിസ് സര്‍ക്കിളിന് കീഴിലെ ന്യൂമാഹി പൊലിസ് സ്റ്റേഷനില്‍ കൂട്ട സ്ഥലംമാറ്റം. ഒരു എ.എസ്.ഐ, റൈറ്റര്‍, സിവില്‍ പൊലിസ് ഓഫിസര്‍, ഡ്രൈവര്‍ ഉള്‍പ്പെടെ അഞ്ചു പേരെയാണ് സ്ഥലംമാറ്റി ഇന്നലെ ഉത്തരവായത.് കാഞ്ഞങ്ങാട്, കേളകം പൊലിസ് സ്റ്റേഷനുകളിലേക്കാണ് സ്ഥലം മാറ്റിയവരെ നിയമിച്ചിട്ടുള്ളത.് കൂട്ട സ്ഥലം മാറ്റത്തിനു പിന്നിലെ കാരണം വ്യക്തമല്ല. എ.എന്‍ ഷംസീര്‍ എം.എല്‍.എയുടെ വീടിനു മുന്നില്‍ ബി.ജെ.പി-ആര്‍.എസ്.എസ് പ്രവര്‍ത്തകര്‍ വധഭീഷണി മുഴക്കിയതുമായി ബന്ധപ്പെട്ട് പൊലിസ് നിഷ്‌ക്രിയത്വം പാലിച്ചെന്ന ആരോപണമാണ് സ്ഥലമാറ്റത്തിന് കാരണമെന്നു കരുതുന്നു.