മണ്ണാര്‍ക്കാട്: എസ്.കെ.എസ്.എസ്.എഫ് പാലക്കാട് ജില്ലാ കമ്മിറ്റിയുടെ നേതൃത്വത്തില്‍ ഏപ്രില്‍ 14, 15, 16 തിയ്യതികളില്‍ മണ്ണാര്‍ക്കാട് നടക്കുന്ന മദീനാ പാഷന്‍ ജില്ലാ സമ്മേളനം വിജയിപ്പിക്കാന്‍ ത്വലബാ വിങ് പാലക്കാട് ജില്ലാ കമ്മിറ്റി തീരുമാനിച്ചു.
സമ്മേളനത്തിന് മുന്നോടിയായി ജില്ലയിലെ ദര്‍സ്, അറബിക് കോളജ് പര്യടനവും തുടര്‍ന്ന് പ്രബന്ധ മത്സരം, പറവകള്‍ക്ക് നല്‍കാം ഒരിറ്റ് ദാഹജലം, പച്ചപ്പ് പരിസ്ഥിതി, സ്വരമഞ്ജരി പരിപാടികള്‍ നടത്താനും. സമ്മേളന നഗരിയില്‍ പവലിയന്‍ സംഘടിപ്പിക്കാനും സമ്മേളന പ്രചാരണാര്‍ഥം പാട്ടുവണ്ടി ജില്ലയിലുടനീളം വ്യാപിപ്പിക്കാനും തീരുമാനിച്ചു.
സയ്യിദ് ഹുസൈന്‍ തങ്ങള്‍ കൊടക്കാട് ഉദ്ഘാടനം ചെയ്തു.
ത്വലബ ജില്ലാ ചെയര്‍മാന്‍ റഷീദ് കമാലി മോളൂര്‍ അധ്യക്ഷനായി. മുഹമ്മദ് ത്വയ്യിബ് ആലൂര്‍, ഇസ്ഹാഖ് അലനല്ലൂര്‍, ഉവൈസ് മണ്ണാര്‍ക്കാട് ചര്‍ച്ചക്ക് നേതൃത്വം നല്‍കി.
ത്വലബ ജില്ലാ കണ്‍വീനര്‍ ഹക്കീം തോട്ടര സ്വാഗതവും വര്‍കിങ് കണ്‍വീനര്‍ ഹസീബ് വല്ലപ്പുഴ നന്ദിയും പറഞ്ഞു.