നീലേശ്വരം: നീലേശ്വരം നഗരസഭയിലെ പതിനേഴാം വാര്‍ഡില്‍പ്പെട്ട ചെമ്മാക്കരയില്‍ മഴക്കാലത്തും കുടിവെള്ളക്ഷാമം രൂക്ഷം. പ്രദേശത്തെ അറുപതോളം കുടുംബങ്ങളാണ് ഇതുമൂലം ദുരിതത്തിലാകുന്നത്. വാട്ടര്‍ അതോറിറ്റിയുടെ ശുദ്ധജല വിതരണ പദ്ധതിയിലൂടെ വിതരണം ചെയ്യുന്ന ജലം മലിനമായതാണ് പ്രശ്‌നത്തിനു കാരണം. പൈപ്പിലൂടെ വിതരണം ചെയ്യുന്ന വെള്ളത്തില്‍ ആരോഗ്യത്തിനു ഹാനികരമാകുന്ന മൂലകങ്ങളടങ്ങിയിട്ടുണ്ടെന്നാണ് പരിശോധനകളില്‍ ലഭിക്കുന്ന സൂചന. എന്നാല്‍ പ്രശ്‌നം പരിഹരിക്കാന്‍ അധികൃതര്‍ തയാറാകുന്നില്ലെന്ന ആരോപണവുമുണ്ട്.