തിരൂര്‍: സുന്നി യുവജന സംഘം ജില്ലാകമ്മിറ്റിക്കു കീഴില്‍ പ്രവര്‍ത്തിക്കുന്ന  മുസാഅദ റിലീഫ് സെല്‍ തീരദേശ മേഖലയില്‍ നടപ്പാക്കുന്ന റിലീഫ് പ്രവര്‍ത്തനങ്ങളുടെ ഉദ്ഘാടനം എസ്.വൈ.എസ് ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍ നിര്‍വഹിച്ചു. പറവണ്ണ മദ്‌റസത്തുല്‍ ബനാത്തില്‍ വച്ചു നടന്ന ചടങ്ങില്‍ മത്സ്യത്തൊഴിലാളി മേഖലയിലെ പാവപ്പെട്ട കുടുംബങ്ങള്‍ക്ക് ഒരു മാസത്തെ ഭക്ഷ്യകിറ്റാണ് വിതരണം ചെയ്തത്. കെ.കെ.എസ് തങ്ങള്‍ വെട്ടിച്ചിറ അധ്യക്ഷനായി, അഡ്വ.എന്‍.ശംസുദ്ദീന്‍ എം.എല്‍.എ, അബ്ദുസമദ് പൂക്കോട്ടൂര്‍, കാടാമ്പുഴ മൂസ ഹാജി, കീഴടത്തില്‍ ഇബ്രാഹിം ഹാജി, ഹാറൂണ്‍ റശീദ് മാസ്റ്റര്‍, റഫീഖ് അഹ്മദ്, കെ.കെ മുഹമ്മദ് ശാഫി, എം സൈനുദ്ദീന്‍ മാസ്റ്റര്‍, ഇമ്പിച്ചിക്കോയ ഹാജി, സി.പി കബീര്‍, ഹംസ ഹാജി, വി.പി സലാം മൗലവി, യു.എ ജലീല്‍ മൗലവി, ബശീര്‍, സി.എച്ച് ബശീര്‍, അബ്ദുല്‍കരീം ബാഖവി സംസാരിച്ചു.