കോട്ടയം: വായനാദിനത്തോടനുബന്ധിച്ച് ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പും ജില്ലാ സാക്ഷരതാ മിഷനും ചേര്‍ന്ന് വായന ഇന്നലെ-ഇന്ന്-നാളെ എന്ന വിഷയത്തില്‍ സെമിനാര്‍ നടത്തി.
സാക്ഷരതാമിഷന്‍ ഓഫിസില്‍ നടന്ന സെമിനാര്‍ ഡോ.അശോക് അലക്‌സ് നയിച്ചു. വ്യക്തിത്വ വികസനത്തിനു വായന ആവശ്യമാണെന്നും എല്ലാവരും എല്ലാ ദിവസവും വായനക്കായി സമയം കണ്ടെത്തണമെന്നും അദ്ദേഹം പറഞ്ഞു. സി.ജി വാസുദേവന്‍നായര്‍ അധ്യക്ഷത വഹിച്ചു.
സാക്ഷരതാ മിഷന്‍ ജില്ലാ കോ-ഓര്‍ഡിനേറ്റര്‍ ഡോ.വി.വി മാത്യു, ടോണി ആന്റണി, അംബിക വര്‍മ്മ, എന്‍.എന്‍ വിജയന്‍ എന്നിവര്‍ സംസാരിച്ചു. തുടര്‍ന്നു ജന്‍ വിജ്ഞാന്‍ വികാസ് യാത്രയും ആരംഭിച്ചു.