തേഞ്ഞിപ്പലം: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന് കീഴില്‍ നടന്ന മദ്‌റസാ പൊതുപരീക്ഷയില്‍ സംസ്ഥാനതലത്തില്‍ ഒന്നാം റാങ്ക് നേടിയ വിദ്യാര്‍ഥികളെ എസ്.കെ.എസ്.ബി.വി സംസ്ഥാന കമ്മിറ്റി അനുമോദിച്ചു.

അഞ്ചാം ക്ലാസില്‍ ഒന്നാം റാങ്ക് നേടിയ മലപ്പുറം മുണ്ടുപറമ്പ് ഖിദ്മത്തുല്‍ ഇസ്‌ലാം മദ്‌റസയിലെ റുശ്ദ ബീവിക്ക് അബ്ദുല്‍ ഖാദര്‍ ബാഖവി ഫള്ഫരിയും ഏഴാം ക്ലാസില്‍ ഒന്നാം റാങ്ക് നേടിയ തരുവണ കിഴക്കുമൂല മഅ്ദനുല്‍ ഉലൂം മദ്‌റസയിലെ ഹനീഫ തസ്‌നീമിന് സമസ്ത മുശാവറ അംഗം വി. മൂസക്കോയ മുസ്‌ലിയാര്‍, പത്താം ക്ലാസില്‍ ഒന്നാം റാങ്ക് നേടിയ നെടിയിരുപ്പ് ചോലമുക്ക് ഹിദായത്തുത്വാലിബീന്‍ മദ്‌റസയിലെ നിയാസ് മോന് ടി.വി ഇബ്‌റാഹീം എം.എല്‍.എ, പ്ലസ്ടുവില്‍ ഒന്നാം റാങ്ക് കരസ്ഥമാക്കിയ എടപ്പറ്റ കിഴക്കുമ്പാടം സിറാജുല്‍ ഹുദാ മദ്‌റസയിലെ റാബിയാ പര്‍വിന് സമസ്ത മുശാവറ അംഗം പി. കുഞ്ഞാണി മുസ്‌ലിയാര്‍ തുടങ്ങിയവര്‍ ഉപഹാരം സമര്‍പിച്ചു.

സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ ട്രഷറര്‍ എം.എം ഇമ്പിച്ചിക്കോയ മുസ്‌ലിയാര്‍, എസ്.കെ.എസ്.ബി.വി സ്റ്റേറ്റ് സെക്രട്ടറി സൈനുദ്ദീന്‍ ഒളവട്ടൂര്‍, അബ്ദുല്‍ മനാഫ് കോട്ടോപാടം, സഫറുദ്ദീന്‍ പൂക്കോട്ടൂര്‍, അംജിദ് തിരൂര്‍ക്കാട്, മുബശ്ശിര്‍ മേപ്പാടി, സ്വദഖത്തുല്ല തങ്ങള്‍ അരിമ്പ്ര, ജുനൈദ് മേലാറ്റൂര്‍, പി.എന്‍. അഹമ്മദ് തുടങ്ങിയവര്‍ പങ്കെടുത്തു.