മലപ്പുറം: വോട്ടര്‍പട്ടികയില്‍ പേരു ചേര്‍ക്കാന്‍ രണ്ടു ദിവസംകൂടി അവസരം. 13 വരെയാണ് പേരുചേര്‍ക്കാന്‍ അനുമതിയുള്ളത്. 2017 ജനുവരി 14ന് 18 വയസ് തികഞ്ഞവരെ പട്ടികയില്‍ ഉള്‍പ്പെടുത്തും. നാമനിര്‍ദേശ പത്രിക സമര്‍പ്പിക്കാനുള്ള അവസാന തിയതിവരെ പേരു ചേര്‍ക്കാമെന്നാണ് നിയമം. എന്നാല്‍, ഓണ്‍ലൈന്‍ നടപടിക്രമങ്ങള്‍ പൂര്‍ത്തീകരിക്കാന്‍ സമയമെടുക്കുമെന്നതിനാലാണ് രണ്ടു ദിവസമാക്കി ചുരുക്കിയത്. വോട്ടര്‍പട്ടികയില്‍ പേരുചേര്‍ക്കുന്ന നടപടികള്‍ പൂര്‍ത്തിയായാലേ വോട്ടര്‍മാരുടെ കൃത്യമായ എണ്ണം ലഭ്യമാകൂ.