പേരാമ്പ്ര: മേഴ്‌സി കോളജ് കലോത്സവത്തിന് പേരാമ്പ്ര എല്‍.ഐ.സി പരിസരത്ത് തിരി തെളിഞ്ഞു. പത്മ ശ്രീ ഗുരു ചേമഞ്ചേരി കുഞ്ഞിരാമന്‍ നായരും, കടത്തനാട് മീനാക്ഷി അമ്മയും ഭദ്ര ദീപം കൊളുത്തി ഉദ്ഘാടനം ചെയ്തു. സി.വി രജീഷ് അധ്യക്ഷനായി.
പത്മശ്രീ ജേതാക്കളെ കോളജ് പ്രിന്‍സിപ്പല്‍ ടി.എം. ജമീല പൊന്നാടയണിയിച്ചു. ഇരുവരെയും ഗ്രാമ പഞ്ചായത്ത് വൈസ് പ്രസിഡന്റ് ഗംഗാധരന്‍ മാസ്റ്ററും വൈസ്പ്രിന്‍സിപ്പല്‍ ഷര്‍മിളയും ഉപഹാരങ്ങള്‍ നല്‍കി. ഡോ: രമാ ബാലന്‍, മനോജ് ചാലക്കണ്ടി, ഷീന വര്‍ഗീസ്, അജിത കൊമ്മിണിയോട്ട്, സംസാരിച്ചു.  മനഃശാസ്ത്ര വിദഗ്ദന്‍ ഗിരീഷ് ബാബു അമ്മമാര്‍ക്ക് വേണ്ടി ബോധവല്‍ക്കരണ ക്ലാസ് നടത്തി. സുനില്‍ കോട്ടേമ്പ്രം ഒറ്റയാന്‍, എന്ന സംഗീത ശില്‍പ സദസിന് നേതൃത്വം നല്‍കി.
ചടങ്ങിന് രജീഷ് കമാര്‍ നന്ദി പറഞ്ഞു. ഇന്ന് സാംസ്‌കാരിക സമ്മേളനം മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. സിനിമ  സീരിയല്‍ നടന്‍ അനൂപ് ചന്ദ്രന്‍ മുഖ്യാതിഥിയാകും. വിദ്യാര്‍ഥികളുടെ കലാസാംസ്‌കാരിക പരിപാടികളും നടക്കും.