തിരുവനന്തപുരം: ജില്ലാതല വായനവാരാഘോഷങ്ങളുടെ ഭാഗമായി സംഘടിപ്പിക്കുന്ന
വായനക്ക് ഒരു മണിക്കൂര്‍ പരിപാടിയുടെ ഉദ്ഘാടനം ഇന്ന് രാവിലെ 11 ന് വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് നിര്‍വഹിക്കും.
മണക്കാട് ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ നടക്കുന്ന ചടങ്ങില്‍ അദ്ദേഹം വിദ്യാര്‍ഥികള്‍ക്ക് വായനാദിന സന്ദേശം നല്‍കും.
രാവിലെ 11.30 മുതല്‍ 12.30 വരെ ജില്ലയിലെ എല്ലാ സ്‌കൂളുകളിലും വിദ്യാര്‍ത്ഥികളും അധ്യാപകരും ഒരു മണിക്കൂര്‍ വായനയ്ക്കായി നീക്കിവയ്ക്കുന്ന പരിപാടിയാണിത്. പുസ്തക വായന, കുട്ടികള്‍ രചിച്ച പുസ്തകങ്ങളുടെ പ്രകാശനം എന്നിവയും ചടങ്ങില്‍ നടക്കും. അഡീഷണല്‍ ജില്ലാ മജിസ്‌ട്രേറ്റ് എ. ഉണ്ണികൃഷ്ണന്‍, വിക്‌റ്റേഴ്‌സ് ചാനല്‍ തലവന്‍ വി. സലിന്‍ മാങ്കുഴി, എസ്.എസ്.എ. ജില്ലാ പ്രോജക്ട് ഓഫീസര്‍ എം. രാജേഷ്, ഹയര്‍സെക്കന്‍ഡറി സ്‌കൂള്‍ പ്രിന്‍സിപ്പല്‍ എം.ആര്‍. സതീഷ് ചന്ദ്രന്‍, വൊക്കേഷണല്‍ ഹയര്‍സെക്കന്‍ഡറി പ്രിന്‍സിപ്പല്‍ ജോട്ടില ജോയ്‌സ്, ഗവ. ഹൈസ്‌കൂള്‍ ഹെഡ്മാസ്റ്റര്‍ എസ്. രാജേന്ദ്രന്‍ തുടങ്ങിയവര്‍ ചടങ്ങില്‍ സംബന്ധിക്കും.
ജില്ലാ ഇന്‍ഫര്‍മേഷന്‍ ഓഫീസ്, പൊതു വിദ്യാഭ്യാസ വകുപ്പ്, സര്‍വശിക്ഷാ അഭിയാന്‍, പി.എന്‍ പണിക്കര്‍ ഫൗണ്ടേഷന്‍, സാഹിതി തിരുവനന്തപുരം
എന്നിവയുടെസംയുക്താഭിമുഖ്യത്തിലാണ് വായനവാരം പരിപാടികള്‍ സംഘടിപ്പിച്ചിരിക്കുന്നത്.