ചെന്നൈ: മലയാളിയായ 17കാരനെ 45 കാരിയായ യുവതി ലൈംഗികമായി പീഡിപ്പിച്ചെന്ന് പരാതി. പീഡനം സഹിക്കവയ്യാതെ 17കാരന്‍ തന്നെയാണ് ചെന്നൈയിലെ ചൈല്‍ഡ് വെല്‍ഫെയര്‍ കമ്മിറ്റിയില്‍ പരാതി നല്‍കിയത്.പ്ലസ് വണ്‍ വിദ്യാര്‍ഥിയായ ആണ്‍കുട്ടിയെ സ്‌പോണ്‍സര്‍ ചെയ്തിരിക്കുന്ന ഭര്‍തൃമതിയായ യുവതി പീഡിപ്പിച്ചെന്നാണ് പരാതിയില്‍ പറയുന്നത്. 

ചെന്നൈയില്‍ ഡബ്ബിങ് സ്റ്റുഡിയോ നടത്തുന്ന മലയാളി ദമ്പതികള്‍ മൂന്ന് വര്‍ഷം മുന്‍പാണ് 17കാരനെ ചെന്നൈയിലേക്ക് കൊണ്ടുവന്നത്. കുട്ടിയുടെ പഠനവും ചെലവുകളും നോക്കിനടത്തിയിരുന്നതും ദമ്പതികളായിരുന്നു. കേരളത്തിലെ ഒരു ദരിദ്ര കുടുംബത്തില്‍ ജനിച്ചുവളര്‍ന്ന കുട്ടിയുടെ ബുദ്ധിമുട്ടും സാമ്പത്തികപ്രയാസവും കണ്ട് സ്‌പോണ്‍സര്‍ ചെയ്യാമെന്ന് ദമ്പതികള്‍ സമ്മതിക്കുകയായിരുന്നു. എന്നാല്‍ അടുത്തിടെ രണ്ട് കുട്ടികളുടെ അമ്മയായ യുവതി തന്നോട് അശ്ലീലപരമായ രീതിയില്‍ ഇടപെട്ടുവെന്നാണ് 17വയസുകാരന്റെ പരാതി.