കൊണ്ടോട്ടി:കൊണ്ടോട്ടി സബ്‌രജിസ്ട്രാര്‍ ഓഫീസില്‍ നെറ്റ്‌വര്‍ക്ക് സംവിധാനം തകരാറിലായതിനെ തുടര്‍ന്ന് ആധാര രജിസ്‌ട്രേഷന്‍ നടപടികളടക്കം മുടങ്ങി.ഓണ്‍ലൈന്‍ തകരാറായതിനാലാണ് 2 ദിവസമായി രജിസ്റ്റര്‍ നടപടികള്‍ മുടങ്ങിയത്.സംഭവമറിയാതെ വിവിധ ആവശ്യങ്ങള്‍ക്കായി സബ്‌രജിസ്ട്രാര്‍ ഓഫീസിലെത്തുന്നവര്‍ വൈകുന്നേരം വരെ ഓഫിസില്‍ കാത്തിരുന്നു മടങ്ങുകയാണ്. റംസാന്‍ ആയതോടെ സാധാരണക്കാര്‍ക്ക് ഇത് ഏറെ പ്രയാസപ്പെടുത്തുന്നുണ്ട്.ഓണ്‍ലൈന്‍ എപ്പോള്‍ ശരിയാകുമെന്ന് അധികൃതര്‍ക്ക് പറയാനാവുന്നില്ലെന്ന് ഉപഭോക്താക്കള്‍ ആരോപിക്കുന്നു.ഇതെ ചെല്ലി ചെവ്വാഴ്ച വാക്കേറ്റവും ഓഫീസിലുണ്ടായി.
കഴിഞ്ഞ ആഴ്ച മുതലാണ് ഓഫീസിലെ ഇന്റര്‍ നെറ്റ് വേഗത കുറഞ്ഞ് നടപടികള്‍ വൈകാന്‍ തുടങ്ങിയത്.ആധാരം രജിസ്‌ട്രേഷന്‍,കുടിക്കട സര്‍ട്ടിഫിക്കറ്റ്,ആധാരം പകര്‍പ്പ് തുടങ്ങിയവയെല്ലാം ഓണ്‍ലൈന്‍ മുഖേനയാണ് ലഭ്യാമാക്കുന്നത്.ഓണ്‍ലൈനില്‍ ഫോം പൂരിപ്പിച്ച് നല്‍കിയാല്‍ മാത്രമെ ആധാരം രജിസ്‌ട്രേഷനുളള ടോക്കണ്‍ ലഭിക്കുകയുളളൂ.തുടര്‍ന്നുളള നടപടികള്‍ക്കും നെറ്റ്‌വര്‍ക്ക് നിര്‍ബന്ധമാണ്.
ജില്ലയില്‍ തന്നെ ദിനേന ഏറ്റവും കൂടുതല്‍ ഭൂമിരജിസ്‌ട്രേഷന്‍ നടക്കുന്ന ഇടമാണ് കൊണ്ടോട്ടി.20 മുതല്‍ 40 വരെ ഭൂമിരജിസ്‌ട്രേഷന്‍ നടക്കുന്ന സ്ഥലം കൂടിയാണിത്.നെറ്റ്‌വര്‍ക്ക് ഇല്ലാത്തതിനാല്‍ രണ്ടുദിവസമായി ഇവയെല്ലാം അവതാളത്തിലാണ്.ബി.എസ്.എന്‍,എല്ലിനാണ് ഇതിന്റെ ചുമതലയെന്നും പ്രശ്‌നം ബുധനാഴ്ചയോടെ തീര്‍ക്കാനുമെന്നാണ് അധികൃതരുടെ വാദം.
റംസാന്‍ ആയതോടെ സാധാരണക്കാര്‍ക്ക് ഇത് ഏറെ പ്രയാസപ്പെടുത്തുന്നുണ്ട്.ഓണ്‍ലൈന്‍ എപ്പോള്‍ ശരിയാകുമെന്ന് അധികൃതര്‍ക്ക് പറയാനാവുന്നില്ലെന്ന് ഉപഭോക്താക്കള്‍ ആരോപിക്കുന്നു.ഇതെ ചെല്ലി ചെവ്വാഴ്ച വാക്കേറ്റവും ഓഫീസിലുണ്ടായി.