കരുനാഗപ്പള്ളി: താലൂക്കാശുപത്രിയ്ക്ക് സമീപത്തെ കെട്ടിടത്തിന്റെ മൂന്നാംനിലയില്‍ നിന്നും യുവാവ് വീണ് മരിച്ച സംഭവത്തിന് പിന്നില്‍ ദുരൂഹതകള്‍ ഉള്ളതായി പൊലിസ്.
പടനായര്‍കുളങ്ങര വടക്ക് തനത്ത് കോയിക്കല്‍ വീട്ടില്‍ രതീഷാ(40)ണ് മരിച്ചത്. സുഹൃത്തായ കിട്ടു എന്ന് വിളിക്കുന്ന സുനില്‍ കുമാറാ(40)ണ് പൊലിസ് കസ്റ്റഡിയില്‍. ഞാറാഴ്ച രാത്രി എട്ടോടെയായിരുന്നു സംഭവം. കെട്ടിടത്തിന്റെ മൂന്നാമത്തെ നിലയില്‍ രതീഷും സുഹൃത്തുക്കളായ മറ്റ് മൂന്നുപേരും മദ്യപിച്ചിരിക്കുകയായിരുന്നു. ഇതില്‍ വിഷ്ണു എന്നയാളും രതീഷിനൊപ്പം നിലത്ത് വീണ് പരുക്കേറ്റിരുന്നു. രതീഷിനെ രക്ഷിക്കാന്‍ ശ്രമിക്കുന്നതിനിടെയായിരുന്നു വിഷ്ണുവിന് വീണ് പരുക്കേറ്റതെന്ന് പൊലിസ് പറയുന്നു.
എന്നാല്‍ മറ്റൊരു സുഹൃത്ത് തള്ളിയിട്ടതാണെന്നാണ് സംശയമുയരുന്നത്.
ഇക്കാരണത്താലാണ് സുനില്‍കുമാറിനെ കസ്റ്റഡിയില്‍ എടുക്കുകയും വിശദമായി ചോദ്യം ചെയ്ത ശേഷം കോടതിയില്‍ ഹാജരാക്കി റിമാന്‍ഡ് ചെയ്തത്. കേസില്‍ പൊലിസ് അന്വേഷണം കൂടുതല്‍ പേരിലേക്ക് വ്യാപിച്ചതായാണ് അറിയുന്നത്.