കൊണ്ടോട്ടി: മേഖലയില്‍ നാലു ഗവ. സ്‌കൂളുകള്‍ക്കും മൂന്ന് എയ്ഡഡ് സ്‌കൂളുകള്‍ക്കും നൂറുമേനി വിജയം. മിക്ക സ്‌കൂളുകളും രണ്ടും മൂന്നും കുട്ടികളുടെ തോല്‍വി മൂലമാണ് നൂറുമേനി നഷ്ടമായത്.സര്‍ക്കാര്‍ സ്‌കൂളുകളും വിജയ നിലവാരം ഉയര്‍ത്തി. ഓമാനൂര്‍ ജി.വി.എച്ച്.എസ്.എസ്, തടത്തില്‍ പറമ്പ് ഗവ.ഹയര്‍ സെക്കന്‍ഡറി സ്‌കൂള്‍, അരിമ്പ്ര ജി.വി.എച്ച്.എസ്.എസ്, മുതുവല്ലൂര്‍ ജി.എച്ച്.എസ്.എസ്, ഒളവട്ടൂര്‍ എച്ച്.ഐ.ഒ.എച്ച്.എസ്.എസ്.എസ്,ഒഴുകൂര്‍ ക്രസന്റ് ഹൈസ്‌കൂള്‍,പുളിക്കല്‍ എ.എം.എം.എച്ച്.എസ് എന്നിവയാണ് നൂറ് ശതമാനം വിജയം നേടിയത്.
തടത്തില്‍പറമ്പ് സ്‌കൂള്‍ തുടര്‍ച്ചയായി ഏഴാം തവണയും അരിമ്പ്ര സ്‌കൂള്‍ തുടര്‍ച്ചയായി നാലാം തവണയുമാണ് നൂറ് മേനി നേട്ടം കൈവരിക്കുന്നത്. തടത്തില്‍ പറമ്പ് (112), മുതുവല്ലൂര്‍ (91), അരിമ്പ്ര(146), ഓമാനൂര്‍(161), പുളിക്കല്‍ (466), ഒഴുകൂര്‍ ക്രസന്റ് (331), ഒളവട്ടൂര്‍ (321) എന്നിങ്ങനെയാണ് സ്‌കൂളുകളിലെ വിജയം നേടിയ കുട്ടികളുടെ എണ്ണം. മേഖലയിലെ മറ്റു സ്‌കൂളുകളും വിജയത്തിളക്കത്തിലാണ്. 1302 പേര്‍ പരീക്ഷ എഴുതിയ കൊട്ടുക്കര പി.പി.എം.എച്ച്.എസ്.എസില്‍ 1300 പേര്‍ വിജയിച്ചു. 99.85 ശതമാനം വിജയമാണ് സ്‌കൂള്‍ നേടിയത്. 208 പേര്‍ക്കാണ് ഇവിടെ മുഴുവന്‍ വിഷയങ്ങളിലും എ പ്ലസ് ലഭിച്ചത്.വാഴക്കാട് ജി.എച്ച്.എസ്.എസില്‍ 623 പേര്‍ എഴുതിയതില്‍ 619 പേരും വിജയിച്ചു.
99.36 വിജയശതമാനം. കൊട്ടപ്പുറം ജി.എച്ച്.എസ്.എസില്‍ 199ല്‍ 197 പേരും(98.99 ശതമാനം) കൊണ്ടോട്ടി ജി.വി.എച്ച്.എസ്.എസില്‍ 194ല്‍ 191 പേരും വിജയിച്ചു (98.45 ശതമാനം).
മൊറയൂര്‍ വി.എച്ച്.എം.എച്ച്.എസ്.എസില്‍ 663 പേര്‍ എഴുതിയതില്‍ 661 പേരും(99.7), കൊണ്ടോട്ടി ഇ.എം.ഇ.എ സ്‌കൂളില്‍ 484 ല്‍ 482 പേരും (99.59), കക്കോവ് പി.എം.എസ്.എ.പി.ടി.എച്ച്.എസ്.എസില്‍ 436ല്‍ 434 പേരും (99.54), ചീക്കോട് കെ.കെ.എം.എച്ച്.എസ്.എസില്‍ 568 ല്‍ 565 പേരും (99.47) രാമനാട്ടുകര ആര്‍.എച്ച്.എസില്‍ 272 ല്‍ 267 പേരും (98.16) വിജയിച്ചു.
പരിമിതമായ സൗകര്യങ്ങളില്‍ നിന്നാണ് മിക്ക സ്‌കൂളുകളും പഠന നിലവാരം ഉയര്‍ത്തിയത്.