ചെങ്ങാലൂര്‍: കുണ്ടുകടവില്‍ ഭാര്യയെ പെട്രോളൊഴിച്ച് തീവച്ചുകൊന്ന സംഭവത്തിലെ പ്രതിയെ ഇന്ന് നാട്ടിലെത്തിക്കും. കുണ്ടുകടവ് പയ്യപ്പിള്ളി ബിരാജു (40) വിനെ കഴിഞ്ഞ ദിവസം മുംബൈയില്‍ നിന്ന് പുതുക്കാട് പൊലിസ് കസ്റ്റഡിയിലെടുത്തിരുന്നു. വ്യാഴാഴ്ച മുംബൈയില്‍ ദാദര്‍ മെട്രോപോളിറ്റന്‍ മജിസ്‌ട്രേറ്റ് കോടതിയില്‍ ഹാജരാക്കിയ ശേഷം പ്രതിയുമായി പൊലിസ് നാട്ടിലേക്ക് തിരിച്ചു. സംഭവത്തിനു ശേഷം മുംബൈയിലേക്കു കടന്ന പ്രതിയെ പോയിവാഡയിലെ ബന്ധുവീട്ടില്‍ നിന്നാണ് പിടികൂടിയത്.

കഴിഞ്ഞ ദിവസം രാത്രി ഒന്‍പതരയോടെ പുതുക്കാട് എസ്.ഐ. ആര്‍. സുജിത് കുമാറും സംഘവുമാണ് പ്രതിയെ അറസ്റ്റു ചെയ്തത്. വൈദ്യപരിശോധനയ്ക്കു ശേഷം വ്യാഴാഴ്ചതന്നെ പ്രതിയെ കോടതിയില്‍ ഹാജരാക്കിയിരുന്നു.