വാണിമേല്‍: വളയം, വാണിമേല്‍ പഞ്ചായത്തുകളെ ബന്ധിപ്പിക്കുന്ന കണിയോത്ത് പീടിക-ചെറുമോത്ത് റോഡിന്  ജില്ലാ പഞ്ചായത്ത് അനുവദിച്ച 34 ലക്ഷം രൂപയുടെ പരിഷ്‌കരണ പ്രവൃത്തികള്‍ക്ക് തുടക്കമായി. ജില്ലാ പഞ്ചായത്ത് മെമ്പര്‍ അഹമ്മദ് പുന്നക്കല്‍ പ്രവൃത്തി ഉദ്ഘാടനം നിര്‍വഹിച്ചു. പഞ്ചായത്ത് പ്രസിഡന്റ് എം. സുമതി അധ്യക്ഷനായി.  ടി.എം.വി അബ്ദുല്‍ ഹമീദ്, അഷ്‌റഫ് കൊറ്റാല, സി.വി. കുഞ്ഞബ്ദുല്ല, സി.കെ ഉസ്മാന്‍ഹാജി, സി.കെ അബൂട്ടി ഹാജി, അഹമ്മദ് ഹാജി, എം. ശേഖരന്‍,  കെ.പി കുഞ്ഞാലി ഹാജി, നസീര്‍ വളയം, ടി.സി സുബൈര്‍ സംസാരിച്ചു.